வாசிப்பு..


நண்பர்களுக்கு வணக்கம் ,

நீண்ட நாட்களுக்கு பின்பான சந்திப்பு , இப்பதிவில் நான் படித்த இரண்டு புத்தகங்கள் பற்றி பதிய விருபுகிறேன். இரண்டு புத்தகங்களும் நண்பர்கள் ஊக்குவிக்க படித்தமையே ! நண்பர்களுக்கு என் நன்றிகள்.

முதல் புத்தகம் கல்கி அவர்கள் எழுதிய “சிவகாமியின் சபதம்” நடை வேகமாக இருந்தாலும், என் தாமதத்தினால் மெதுவாகவே படித்து முடித்தேன் . படிக்க படிக்க வேகாமாக நகரும் நடை கதாபாத்திரங்கள் அறிமுகம் செய்த விதம், காட்சிகள் உருவமைத்த விதம் அனைத்துமே அருமை மீண்டும் படித்திட தூண்டவும் செய்கிறது, படிக்கவும் ஆரம்பித்து விட்டேன். அனைத்து மனித உணர்வுகளையும் எழுத்தில் வடிவமைப்பதும் கலையே அதை வெகு அழகாக செய்துள்ளார். மேலும் ஒவ்வொரு அத்தியாயம் படிக்க படிக்க இன்னும் ஒன்று இன்னும் ஒன்று என்று படிக்க தூண்டும் வகையில் நிறையா திருப்பங்கள் அமைந்து இருக்கிறது. இந்நாவலை படிக்க உதவிய நண்பருக்கு நன்றி ,காலம் நீடித்தமைக்கு பொறுத்தருளவும். இப்புத்தகம் பற்றியும் கல்கி அவர்கள் பற்றியும் நிரம்ப பதிய ஆசை தான் இருப்பினும் பொறுத்தருளவும்.

புத்தகம்    : சிவகாமியின் சபதம்SS
ஆசிரியர்   : ரா. கிருஷ்ணமூர்த்தி (எ) கல்கி
பதிப்பகம்  : வானதி பதிப்பகம்

சிவகாமியின் சபதம் நாவலின்  மின் சுட்டி படிக்க….

பாகம் 1 – பூகம்பம்

பாகம் 2 – காஞ்சி முற்றுகை

பாகம் 3 – பிக்ஷுவின் காதல்

பாகம் 4 – சிதைந்த கனவு

இரண்டாம் புத்தகம் “ தோட்டியின் மகன் ” ,தகழி சிவசங்கரப்பிள்ளை அவர்கள் எழுதி தமிழில் சுந்திர ராமசாமி அவர்களால் மொழிபெயர்க்கப்பட்டுள்ளது. இந்த நாவல் படிக்க மூன்று நான்கு நாட்கள் ஆயினும் இதன் தாக்கம் என்னுள் அதிகமே என்றேக் கூறலாம் . தோட்டியானவர்களின் வாழ்க்கை விதத்தையும் அவர்கள் உணர்வும், நம் உணர்வுகள் போன்று தான் என்றும் ஆசிரியர் நாயமா ஒவ்வொரு நிகழ்ச்சியிலும் பதிந்து இருக்கிறார். அவர்களுக்குள் ஏற்ப்படும் விருப்பு அன்பு, சண்டை, வருத்தம் முதலான அனைத்து மனித உணர்வுகளையும் அருமையாக பதிந்திருக்கிறார். மேலும் ஒரு தோட்டியினால் மற்ற மனிதர் போல் வாழவும் முடியும் என்றும் & ஒன்று பட்டால் நலமாக வாழலாம் போன்ற ஆழமான கருத்துகளும் உள்ளடக்கியுள்ளார்.

கதையை சிறுது பார்க்கலாம், ஆரம்பத்தில் ஒரு தந்தை (இசக்கி முத்து) தன் மகனை(சுடலை முத்து) தோட்டி வேலைக்கு அனுப்பும் விதமும் நடக்கம் சம்பாஷனையும் கொஞ்சம் மனதை குழையச்செய்யும் அளவுக்கு அமைந்து இருக்கிறது. சுடலை முத்து  தன் பிள்ளைக்காக எதிர்காலம் வகுக்கும் செயல்களும் அதற்கு அவன் செய்யும் செயல்களும் காட்சியமைக்கப்பட்டுள்ளது. ஒரு தந்தை தன் மகனை தோட்டியாக ஆக்கக் கூடாது என்பதும் அதற்காக அவன் படும் வேதனைகளையும் உருகும் அளவிற்கு அமைக்கப் பெற்றுள்ளது . தாயின் மனநிலையை அவள் தன் பிள்ளையிடம் பிள்ளைக்காக வருந்தும் உருகும் ஒவ்வொரு நிகழ்வும் பதிந்த விதம் அருமை. படிக்க வரிகள் மிகவும் விறுவிருப்பாகவும் பல இடங்களில் உணர்ச்சிகளை வெளிப்படுத்திய விதமும் அதற்கான சம்பாஷனைகளும் நம்மையும் உணர்ச்சிவசப்படுத்துகிறது.

“தோட்டிக்கு மவனில்லையா? சொல்லிக்கொடுத்தா தலேலெ ஏறாதுன்னு சொல்லி அடிச்சாரம்மா.”

இப்படி தன் தாயாரிடம் அழுதுகொண்டே சில கேள்விகள் கேட்க அந்த பிஞ்சின் உணர்வுகளையும் பல இடங்களில் ஆழமாக பதிகிறார் படிப்பவர் மனதில்.

ஒரு தம்பதியினர் தங்கள் சங்கதிகளுக்காக தங்கள் வாழ்வையே வடிவைத்து பல கட்டுபாட்டிற்கு தங்களையே அடைத்துக்கொள்கிறார்கள். அவர்களும் (தோட்டிகளும் ) மனிதர்களே என்று புரிந்துகொள்ளும் காலம் வந்து விட்டது. ஒரு குடும்பத்தின் வாழ்க்கையை நயம்பட பதிந்து இருக்கிறார். சூழல்களுக்கு ஏற்ப  மாறும் மனிதர்களின் மனநிலைகளையும் ஆசிரியர் பதிந்து இருக்கிறார்.

Tm

                        புத்தகம் பெயர்   : தோட்டியின் மகன்
ஆசிரியர்                : தகழி சிவசங்கரப் பிள்ளை
தமிழில்                  : சுந்திர ராமசாமி
விலை                   : ரூ.130/-
பதிப்பகம்             : காலச்சுவடு

இந்த இரு புக்ககங்களும் வாசிக்க ஊக்குவித்த நண்பர்களுக்கு என் நன்றிகள். தாமத்திற்கு பொறுத்தருளவும்.மேலும் “தோட்டியின் மகன் ” புத்தகம் பற்றி  படிக்க

நண்பர் தமிழின் பதிவுகள்

நண்பர் ஓஜஸ் அவர்களின் பதிவு நாற்சந்தி கூவல்

பொறுமையாக படித்தமைக்கு நன்றி .மீண்டும் சந்திக்கலாம் இன்னும் சில புத்தகங்களுடன் .

புதிய உலகம் கண்டேன்


அமைதி  வணக்கம்,

நான்  தமிழில் பிழை இன்றி எழுதியதில்லை…இருப்பினும் கவனித்து எழுதுகிறேன் தவறு இருந்தால் பொறுத்தருள்க/சுட்டிக்காமிக்கலாம்.

எனக்கு ஊக்கம் அளித்த அன்பு நண்பர்களுக்கும் இருவரை குறிப்பிட்டே ஆகவேண்டும் “ஓஜஸ் , அழகியதமிழ்” அவர்களின் உதவிகளுக்கும் நன்றி கூறி ஆரம்பிக்கிறேன். தமிழில் நாட்டம் இருந்தும் பெரிதும் புத்தகம் படிக்க வாய்ப்பு எனக்கு கிடைத்தது என்னவோ இல்லை…இப்பொழுது நானே எனக்கான நேரம் ஒதுக்கி படிக்க ஆரம்பித்துள்ளேன் இதற்கு முழுமுதற் காரணம் என் நண்பர்களே என்று சொல்லுவேன் , எப்படி பட்ட புத்தகங்கள் படிக்கலாம் , எனக்கு ஏற்ற புத்தகங்கள் தேர்வு செய்வது எப்படி , சில ஆசிரியர்களின் புத்தகங்கள் எப்படி பட்ட கருத்துகள் உள்ளடங்கும் என்பதெல்லாம் அவர்களிடம் தான்  கற்க ஆரம்பித்து இருக்கிறேன் ..கற்க வேண்டும்.

images (4)நான் முதலில் படிக்க ஆரம்பித்தது என்னவோ சிறுகதைகள் தான் …. சில நேர தாமதத்தால் நான் புத்தகம் படிப்பதை சிறிது காலம் தொலைத்துவிட்டேன்(நிம்மதியும்). தற்போது அந்த நேரத்தை சேர்த்தார் போல் மிகவும் அதிக ஆர்வத்துடன் படிக்க ஆரம்பித்துவிட்டேன்.

பதிவின் கருத்துக்கு வருகிறேன் , நீண்ட நாளுக்கு பின் எனக்கான முதல் (ஆர்வத்துக்டன்) வாங்கி படித்த புத்தகம் கொஞ்சம் அறிவியல் கதை – என்.சொக்கன்” .இப்புத்தகுதுடன் என் சுவாரசிய படிப்பை துவங்கினேன். புத்தகம் வாங்கி ஆரம்பித்த ஒரே நாளில் முடித்தும் விட்டேன்..

அனைத்து கதைகளும் அன்றாடம் நம்மாள் உபயம் செய்யும் பொருட்களின் கண்டுபிடிப்பு கதைகள்.ஒவ்வொரு கதையின் பின்னணியிலும் ஆழ கருத்துகள் அமைந்து இருந்தது கண்டு வியந்தேன்.கதைகள் படிக்கையில் அக்கால கட்டத்துக்குள் போவது போன்றதோர் ஈர்ப்பும் கொண்டேன்.அனைத்து கதைகளும் குறும்பக்கங்கள் கொண்டது தான் ஆனால் எழுத்துக்கள் பரிமாறிய விதம் சற்று அருமை என்றே சொல்லுவேன் .

கதையின் தொடக்கம் முதல் முடிவு வரை சற்றும் சலிக்காமல் நகர்ந்ததும், என் ஆர்வத்தை கூட்டியதற்கும் ஆசிரியருக்கு என் அன்பு நன்றி.இத்துடன் அடுத்த புத்தகம் ஆரம்பிக்க ஆர்வத்துடன் நண்பர்களை அணுகினேன் உதவிக்காக…உதவியும் கிடைத்தது.என் ஆர்வமும் அதிகரித்தது.

கலீல் கிப்ரான் அவர்களால் எழுதி தமிழில் – என்.சொக்கன் அவர்கள் தழுவியுள்ள புத்தகம் பெயர் “மிட்டாய் கதைகள்”, அதற்க்கு ஏற்ப கதைகளும் இனிப்பாகவும் மிட்டாய் போன்று சிறியதாகவும் அமைய பெற்றுள்ளது.50 கதைகளை உள்ளடக்கிய புத்தகம் என்றாலும் பல சின்ன சின்ன சுவாரசியமான கருத்துக்களை உள்ளடங்கியது.

ஒவ்வொரு கதையின் துவக்கத்திலும் புதிதாக பிறப்பது போன்று புது ஆரம்பம் புதிய சுவாரசியம். சின்ன சின்ன கதைகள் என்றாலும் மனதை கொள்ளையடிக்கும் கதைகள் பல, சிறு உதாரணமாக பனித்துளியின் அழகு கற்பனை எழில் (உலகம்) சொல்ல வார்த்தைகளும் இல்லை.

” புத்தகங்கள் படிக்க

தனி உலகம் நுழைய

அமைதியின் தென்றலும்

இனிமையின் கீதமாக

எழுத்துக்களை சுவாசிக்கலாம் ! “

மேலும் இது போன்ற பதிவுகள் வர வாய்ப்பும் இருக்கிறது என்று கூறிகொள்கிறேன் . என் நண்பர்களுக்கும் நன்றி கூறி விடை பெறுகிறேன் .

புத்தக ஆர்வத்துடன்,

தோழி

images (1)